धार्मिक तथा पर्यटीयक स्थल

धार्मिक स्थल 

खलंगा मुसीकोट बजारबाट पूर्वतर्फ डेढ घण्टाको उकालो चढेर पुग्न सकिने यो मन्दिरमा कार्तिक शुक्ल चतुर्दशी र पूणिर्माको दिन श्रद्धा र भक्तिपुर्वक देवीको पूजा गर्नाले मनोकामना पूरा हुने विश्वासका साथ हजारौ भक्तजनहरू दर्शनार्थ भेला हुन्छन् । धार्मिक, ऐतिहासिक र पर्यटकीय दृष्टिले यो मन्दिर अत्यन्त महत्पुर्ण मानिएको छ । 
शिव मन्दिर
शोभा गा.वि.स. अन्तरगत रूकुमकोटमा रहेको कमल तालको छेउमा अवस्थित यो मन्दिरमा शिवरात्रीका दिन भगवान शिवलाई श्रद्धाका साथ बेलपत्र, जलधारा चर्ढाई भक्तजनहरूले मनोकांक्षा पुर्तिका निम्ति आराधना गर्ने चलन छ । 
मालिका मन्दिर 
विजयश्वरी गा.वि.स. चौरजहारी स्थित विजश्वरी माईको ठूलो महिला र गरिमा छ ईष्ट देवीको रूपमा नित्य पूजा-आजा र जपादी गरिन्छ । साथै वडा दशैं र चैत्र अष्टमीका दिन भगवतीलाई पूजा-आजा गर्ने चलन छ ।
विजयश्वरी भगवती मन्दिर
प्राकृतिक कलापूर्ण भगवतीको मन्दिर भएको यो मन्दिरमा नवदुर्गामा घटस्थापना देखि दशमीसम्म पूजा अर्चना गरिन्छ । यिनको आङ्खनै ठूलो गरिमा र महिमा छ । 
अन्य मन्दिरहरू 
लक्ष्मी नारायण मन्दिर- आठबीसकोट, बिजारे द्यौति मन्दिर- आठबीसकोट, र्साईकुमारी मन्दिर-खदीस्याला, भगवनी मन्दिर, कालीका मन्दिर-मुसिकोट, बराह मन्दिर, भगवती मन्दिर-रूकुमकोट ब्रम्हाजीको मन्दिर- अमलाचौर, नाथीगाड, गादीघर, देउती मन्दिर-बाँफिकोट, श्री गणेश मन्दिर-मुरू, भगवती मन्दिर रूघां, शिवजी मन्दिर -पेउघा, मग्मा, सिद्ध मन्दिर पिपल, तासुकारा, सिद्धको मन्दिर-सिस्ने) आदिमा पनि स्थानीय आस्था र परम्परा अनुसार समय-समयमा पूजाआजा गरिन्छ ।
पर्यटकीय स्थल

स्यार्पु ताल :

बाँफिकोट गा.वि.स.मा अवस्थित यो ताल पर्यटकीय हिसाबले रमणीय र महत्वपूर्ण मानिन्छ । यसको क्षेत्रफल २.६ वर्ग कि.मी.छ । त्रिकोणात्मक आकारमा अवस्थित छ । यसै तलाउबाट निस्किएको पानीको श्रोत उपयोग गर्दै २०० किलोबाट क्षमताको विधुत उत्पादन गरी स्यार्पुदह साना जलविधुत आयोजनाले मुसीकोट, रूकुमकोट, बाँफिकोट, पोखरा, छिबाङ्ग गा.वि.स.हरूमा विधुत  सेवा उपलब्ध गराउँदै आएको छ ।

कमल ताल :

शोभा गा.वि.स.को पहाडी उपत्यकामा अवस्थित कमल तालले रूकुमकोट उपत्यकालाई रमणीय बनाएको छ । यसको क्षेत्रफल १.९छ वर्ग कि.मी. छ । यहाँ नुहाउँदा पाप नष्ट हुन्छ भन्ने धार्मिक किम्बदन्ती अनुसार माघे संक्रान्तिमा तिर्थयात्रीहरू यहाँ आएर नुहाउने चलन छ । यो ताल सुन्दर र मनमोहक छ । नेपाल अधिराज्यमा सबैभन्दा राम्रो कमल यहाँ पाइन्छ । यसको जरा अचारको रूपमा प्रयोग गरिन्छ । फूलबाट बनेको गेडा कमल पित्तको लागि औषधीको रूपमा स्थानीय बासिन्दाले प्रयोग गर्ने गर्दछन् ।

सम्पे ताल :

गोतामकोट गा.वि.स.मा पर्ने उच्च लेकाली भाग चित्री पाटनको बीचमा अवस्थित सुन्दर सानो तालको नाम हो सम्पेताल । यो ताल हिमालयको फेदीमा अत्यन्त प्राकृतिक सुन्दरताले विभूषित छ । यहाँबाट सिस्ने हिमालको उत्तरी मोहडाको मनोरम दृष्य अवलोकन गर्न पाइन्छ ।

गुप्ता दह :

सिस्ने हिमालको फेदीमा अवस्थित यो दह अत्यन्त मनमोहक छ । यो दहमा पानी भूमरी परेको हेर्दा दर्शकहरू चकित हुन्छन् । भाद्र पूणिर्माका दिन यहाँ सिद्ध देवताको पूजाआजा गरिन्छ । त्यहाँ नुहाउनाले पाप नष्ट हुन्छ भन्ने विश्वास पनि स्थानिय वासिन्दाको रहेको छ ।

पुपाल दह र सुन दह :

रन्मामैकोट गा.वि.स.को पुपाल भन्ज्याङ्ग खुरल फाँटमा र सोहि गा.वि.स.कै जाङला भन्ज्याङ्ग र कुतला बादली पाटनको बीचमा अलग(अलग जिर्इ वटा दह छन् । उच्च लेकाली फाँटमा अवस्थित यी दह कम मनमोहम र रमणीय छैनन् । सुन दहबाट हिमाली श्रृँखलाको दृश्य अवलोकन गर्दा दर्शकहरू आनन्दित हुन्छन् । वर्षायाममा लेकाली सुगन्धित जडीबुटीहरूका फूलहरू फुलेर दर्शकहरूको मन आनन्दित तुल्याउँछन् । काम्नो नामको चराको जलक्रिडाले दर्शकको मन भावनामा डुबाई दिन्छ । बहुमूल्य जडीबुटी र वन्यजन्तु प्रशस्त पाइने यस क्षेत्रको बाटो हुदै मानिसहरू डोल्पा जाने गर्दछन् । पर्यटकीय दृष्टिले यी दहहरू अत्यन्त महत्वपूर्ण मानिएका छन् ।

अन्य तालहरू

छ्रिरी दह( रूकुमकोट, फूलबारी ताल( चोरजहारी,

खारा दह(साँख, दाजिरे ताल( बाँफिकोट,

सितल पोखरी(खलंगा, साँख दह(साँख

गुफाहरू

देउराली गुफा :

शोभा गा.वि.स.मा पर्ने लुकुम खोलाको किनारमा यो गुफा अवस्थित छ । यसभित्र विभिन्न मानव, पशुपक्षी आदिको आकृति भएका ढुङ्गाहरू चुलिएका र टाँसिएका छन् । यो गुफामा प्रवेश गर्ने वित्तिकै थुप्रै मानिसहरू अट्न सकिने स्थान छ । तर त्यस भित्र बत्ती बालेर, र्टच लिएर जानुपर्ने, पानी टेकेर जानुपर्ने भएकोले भित्री भागसम्म अनुसन्धान गरिएको छैन । यो गुफा पर्यटकीय हिसाबले महत्वपुर्ण मानिन्छ ।

सात तले गुफा :

घेत्मा गा.वि.स.को वडा नं. १ मा रहेको रमणीय हरियाली जङ्गलको बीचमा पूर्व काप्राचौर, पश्चिम च्याच्यापे, उत्तर नहर खोला, दक्षिण गाड खोलाको बीचमा साततला भएको गुफा छ । जसमा चारवटा तलाहरूमा सहजै तलमाथि गर्न सकिन्छ । पृथ्वी नारायण शाहले नेपाल एकिकरण गर्ने बेलामा आङ्खनो सुरक्षाको लागि विभिन्न ठाउँका राजा आई त्यहाँ लुकेको भन्ने भनाई स्थानीय बासिन्दाको रहेको छ । यसको भित्री भागसम्म खोज अनुसन्धान गरिएको छैन ।

अन्य गुफाहरू :

बाघ बस्ने गुफा (काँडा ७) सिद्ध गुफा पेउघा (८ भुम्के)

कल्लाकम्द गुफा चुन्बाङ (१)