दिपक पुन मगरको प्रेश विज्ञप्ति

 नेपाली मगरहरुले आफ्नो जातीय पहिचानको मुद्दालाई आफ्नो जातीय जीवन मरणको रुपमा उठाई रहेको विधमान अवस्थामा,पहिचानको प्रमुख जग राष्ट्रियतानै छोडेर राष्ट्रिय पहिचान विहिन “मगर संघ युएई” बनाउदैं समग्र नेपाली मगर हरुको अपमान गर्दै, मगरहरुको राष्ट्रियतानै ध्वस्त बनाउने तत्कालिन नेपाली मगर संघ युएईको मुलनेतृत्वले संघको विधानलाई समाप्त  गर्दै संघको छैठौ महाधिवेशन मार्फत "नेपाली" शब्द छिनेर "मगर संघ युएई" मात्रै बनाउने जुन दु:खत निर्णय गर्यो, वास्तम्वमा मलाई त्यसले स्तव्द बनाएको थियो | त्यसैले १३ सेप्टेम्बर २०१३ आबुधाबीको आइकाटमा मेरो समेत विशेष पहलमा राष्ट्रियताको मुल जगमा फर्केर हाम्रो गरीमामय जातीय संस्था नेपाली मगर संघ युएईको छैठौ महाधिवेशन मार्फत पुन: राष्ट्रियता सहितको नेपाली मगर संघ युएई कायम गर्दै संघलाई पुनर्जीवित गरीएको थियो | संघको पुनर्जीवित संगै पुनर्जीवित संघलाई मूल नेतृत्वले प्रारम्भमा जे जसरी लैजान पर्ने थियो,त्यसरी लैजान नसक्दा म असन्तुष्ट थिए | अहिले नेपाली मगर संघ युएईको मूल नेतृत्वले ति कुराको आत्म समिक्षा र आत्म-आलोचना गर्दै मलाई श-शम्मान संघको केन्द्रीय साँकृतिक विभाग प्रमुख जस्तो गरिमामय पदको कार्य सम्पादन गर्न लिखित रुपमानै अनुरोध गरेको छ | यो अनुरोध संघ र ब्याक्तिगत रुपमा मेरो लागि पनि अत्यन्तै खुसीको कुरो हो | राष्ट्रिय पहिचान,जातीय पहिचान,जातीय विभेद,एवं जातीय जनसंख्याको आधारमा समानुपातिक प्रतिनिधित्व,जातीय अग्र अधिकाराका मुद्दालाई श-शक्त रुपमा युएईमा पहिलो पटक उठाउनुहुने,नेपाली मगर संघ युएईको विधान निर्माता समेत रहनु भएका संघका श्रदेय पुर्व अध्यक्ष हरि बहादुर घर्ति मगर समेत नेपाली मगर संघ युएईको सल्लाहकार संरक्षक प्रमुखमा रहनु भएकोले वास्तविक नेपाली मगर हरुको जातीय संगठन नेपाली मगर संघ युएई नै हो भन्ने मेरो निष्कर्ष रह्यो | अत: आजकै मितिवाट मेरो बुद्दी विवेक र क्षमताले भ्याय सम्म कर्तव्यनिष्ठ,इमान्दारी,वफादारी कासाथ आफ्नो जातीय संगठनमा आवद्द हुँदै नेपाली मगर संघ युएईको साँकृतिक विभाग प्रमुखको जिम्वेवारी लिन यो प्रेश विज्ञप्ति प्रेषित गर्दछु |
दिपक पुन मगर
साँकृतिक विभाग प्रमुख
नेपाली मगर संघ केन्द्रीय कार्य समिति युएई