मगर संघको एकताको अनिवार्य छ - पृथीछक बुढा मगर

वितेको फेवुअरी महिनाको २१ तारीख दुवै मगर संघले छुट्टा छुट्टै स्थानमा मगर दिवस मनाए । मैले मगर संघ भित्रको विवादहरुलाई नजिकवाट नियाल्न प्रयत्न गरेको थिएँ । त्यसको लागि मगर संघका अग्रजहरु हरी घर्ति मगर, भरत राना मगर, अशोक रामजाली मगर, चन्द्र सारु मगर, तिलक मगर लगाएतहरुसंग कुरा गर्ने अवशर प्राप्त गरेको थिएँ । उहाँहरुको भित्रि मनसाय मगर संघ एकता हुनु पर्छ र असहमतिका कुराहरुमा छलफल गरेर अगाडी वढ्नु पर्छ भन्ने नै थियो । परिणामत: एकताको निम्ति पहिलो कदमको रुपमा मगर संघ युएईले आयोजना गरेको वनभोज कार्यक्रम आउदो मार्च १४ तारिख छलफल गरीने कुरा वुझिएको छ । यसले अन्तत: मगर संघको एकता अनिवार्य रहेको कुरामा सवै मगर अग्रजहरु चिन्तित रहेको कुरा पनि प्रमाणित हुदै छ ।

असहमतिहरु थिए । सहमति हुनु पर्छ । मगर संघ विच फाटो आएको थियो, अव एकता हुनै पर्छ । शायद यो परिस्थितिको माग हुनु पर्छ । ढिलै भए पनि एकताको प्रक्रिया अगाडी वढेको छ । यसले युएईमा रहेको मगर जातिहरुमा एक किसिमको उत्साह थप्ने कुरामा निश्चित छ । यो एकताको अभियान सफल पार्न आम मगर वुद्दिजिवी र सुभचिन्तकहरुको गहन उत्तरदायित्व हुनु पर्ने कुरामा म ढुक्क छु । साथै आउँदो १४ तारिख हुन गइरहेको मगर संघ युएईको वनभोज कार्यक्रमको सुभकामना ब्यक्त गर्दछु ।

पृथीछक वुढा मगर (ग्लोभिभोना)
आदिवासी जनजाति परिषद युएई (महासचिव)
नेपाली मगर संघ (संरक्षण तथा सल्लाहकार)
नेपाली जनप्रगतिसिल मोर्चा युएई (केन्द्रीय सचिव)